యు.ఏ.ఈ:యు.ఏ.ఈ మినిస్ట్రీ ఆఫ్‌ హెల్త్‌ అండ్‌ ప్రివెన్షన్‌, బ్రూఫెన్‌ పిడియాట్రిక్‌ సిరప్‌ విషయమై వస్తున్న రూమర్స్‌ని కొట్టిపారేసింది. సోషల్‌ మీడియాలో ఈ మెడిసిన్‌కి వ్యతిరేకంగా జరుగుతున్న దుష్ప్రచారంపై మినిస్ట్రీ స్పందించింది. మినిస్ట్రీ ఆఫ్‌ హెల్త్‌ అండ్‌ ప్రివెన్షన్‌ - మెడికల్‌ ప్రాక్టీస్‌ అండ లైసెన్స్‌ సెక్టార్‌ అసిస్టెంట్‌ అండర్‌ సెక్రెటరీ, సుప్రీం కమిటీ ఫర్‌ ఫార్మాష్యూటికల్‌ విజిలెన్స్‌ ఛైర్మన్‌ డాక్టర్‌ అమిన్‌ హుస్సేన్‌ అల్‌ అమిరి మాట్లాడుతూ, సోషల్‌ మీడియాలో జరుగుతున్న ప్రచారం నేపథ్యంలో తయారీదారులతో సంప్రదించామనీ, ఆ ప్రచారంలో వాస్తవం లేదనే విషయాన్ని గుర్తించామని అన్నారు. ఈ తరహా దుష్ప్రచారాలు చేసేవారిపై చట్టపరమైన చర్యలుంటాయని ఆయన హెచ్చరించారు. పిల్లలకు సంబంధించి బ్రూఫెన్‌ సిరప్‌ని వాడుతుండడం సర్వసాధారణం. అలాగే బ్రూఫెన్‌ ట్యాబ్లెట్స్‌ని నొప్పుల నివారిణిగా వినియోగిస్తుంటారు.