ఎయిర్‌పోర్ట్‌ స్ట్రీట్‌పై మర్రాకెష్‌ స్ట్రీట్‌ ఇంటర్‌సెక్షన్‌ వద్ద నిర్మించిన కొత్త బ్రిడ్జ్‌ ఈ రోజు ప్రారంభమయ్యింది. ఎయిర్‌పోర్ట్‌ స్ట్రీట్‌ ఇంప్రూవ్‌మెంట్‌ ప్రాజెక్ట్‌లో భాగంగా ఈ బ్రిడ్జ్‌ని నిర్మించారు. డేరా వైపుగా ఈ రోడ్‌పై ట్రాఫిక్‌ ఇకపై స్మూత్‌గా సాగనున్నట్లు రోడ్స్‌ అండ్‌ ట్రాన్స్‌పోర్ట్‌ అథారిటీ వెల్లడించింది. కొత్త బ్రిడ్జ్‌పై వాహనాల రాకపోకలకు అనుమతించిన దరిమిలా వాహనదారులు ఎక్కడికక్కడ రహదారిపై ఏర్పాటు చేసిన సైన్‌ బోర్డ్స్‌ ప్రకారం ప్రయాణించాల్సి ఉంటుందని తెలిపారు. ఈ ప్రాజెక్ట్‌కి సంబంధించి ఇంకా కొన్ని చోట్ల పనులు పెండింగ్‌లో ఉండటంతో ఆయా మార్గాల్లో సూచికలను వాహనదారులు పరిశీలించాలని విజ్ఞప్తి చేశారు అధికారులు. 2020 నాటికి 92 మిలియన్‌ ప్యాసింజర్లకు ఎయిర్‌పోర్ట్‌ కెపాసిటీ చేరుకోనున్న దరిమిలా ఎయిర్‌పోర్ట్‌ స్ట్రీట్‌పై అభివృద్ధి కార్యక్రమాల్ని అందుకు తగ్గట్టుగా శరవేగంగా పూర్తిచేస్తున్నారు.