అక్కినేని నాగార్జున, అఖిల్‌ కలిసి వాణిజ్య ప్రకటనలో కన్పించబోతున్నారు. ఓ షాపింగ్‌మాల్‌ యాడ్‌లో ఇద్దరూ తొలిసారి తెరపై సందడి చేయనున్నారు. ఈ ప్రకటన చిత్రీకరణ సమయంలో అఖిల్‌.. నాగ్‌తో కలిసి సెల్ఫీ దిగాడు. ఈ ఫొటోను అఖిల్‌ సోషల్‌మీడియాలో పోస్ట్‌ చేశారు.

ఈ విషయాన్ని అఖిల్‌ ట్విటర్‌ ద్వారా వెల్లడిస్తూ ఫొటో పోస్ట్‌ చేశారు.'ఇది 'హలో' సినిమా కోసం కాదు. మేమిద్దరం తొలిసారి ఓ ప్రకటనలో నటిస్తున్నాం.' అని వెల్లడిస్తూ.. 'కింగ్‌ సెల్ఫీ' అనే హ్యాష్‌ ట్యాగ్‌ జత చేశాడు.

'మనం' చిత్రంలో అఖిల్‌ అతిథి పాత్రలో మెరిశాడు. ఆ తర్వాత అఖిల్‌ తొలి చిత్రం 'అఖిల్‌'లో నాగ్‌ అతిథిగా మెరిశారు. ప్రస్తుతం అఖిల్‌.. 'హలో' చిత్రంలో నటిస్తున్నారు. కల్యాణి ప్రియదర్శిని ఈ చిత్ర కథానాయిక. అన్నపూర్ణ స్టూడియోస్‌ బ్యానర్‌పై నాగార్జున దీనిని నిర్మిస్తున్నారు.