మాస్ మహారాజ రవితేజ చాలా గ్యాప్ తీసుకున్న తర్వాత చేస్తున్న సినిమా రాజా ది గ్రేట్. అనిల్ రావిపూడి దర్శకత్వంలో రూపొందుతున్న ఈ చిత్రం, అక్టోబర్ సెకండ్ వీక్ లో రిలీజ్ కాబోతుంది. అయితే ఇప్పటి నుంచే చిత్ర యూనిట్ సాంగ్స్, టీజర్స్ తో సందడి చేయడానికి రెడీ అయ్యింది. చిత్ర యూనిట్ నిన్న రాజా ది గ్రేట్ టైటిల్ సాంగ్ ని రీలీజ్ చేసింది. ఇప్పటికే రిలీజైన ఫస్ట్ లుక్ తో మంచి రెస్పాన్స్ అందుకొన్న రాజాది గ్రేట్ తాజాగా టైటిల్ సాంగ్ కూడా సూపర్బ్ రెస్పాన్స్ అందుకొంటున్నది. దిల్ రాజు నిర్మిస్తున్న ఈ సినిమాలో రవితేజ కు జోడీగా బ్యూటిఫుల్ హీరోయిన్ మెహ్రీన్ నటిస్తోంది. రాజా ది గ్రేట్ మూవీపై ఆడియన్స్ లో క్యూరియాసిటీ ఉంది. అందుకు కారణం రవితేజ ఇందులో అంధుడు పాత్రలో నటిస్తున్నాడు. హీరోకి కళ్ళు కనిపించకపోయినా సరే, సినిమాలో కమర్షియల్ ఎలిమెంట్స్ కి మాత్రం లోటు లేదంటున్నారు యూనిట్ సభ్యులు.