రస్‌ అల్‌ ఖైమా: రస్‌ అల్‌ ఖైమా సివిల్‌ డిఫెన్స్‌ టీమ్‌, లిఫ్ట్‌లో ఇరుక్కున్న 38 ఏళ్ళ అరబ్‌ నివాసిని రక్షించారు. రెసిడెన్షియల్‌ బిల్డింగ్‌లో ఈ ప్రమాదం చోటు చేసుకుంది. ఈ ఘటనపై సమాచారం అందగానే, సివిల్‌ డిఫెన్స్‌ సిబ్బంది, రెస్క్యూ టీమ్స్‌, నేషనల్‌ అంబులెన్స్‌ సంఘటనా స్థలానికి రికార్డ్‌ సమయంలో చేరుకున్నట్లు అధికారులు తెలిపారు. ప్రమాదానికి గురైన వ్యక్తి అన్‌కాన్షియస్‌ స్టేజ్‌కి వెళ్ళిపోవడంతో, అతన్ని అత్యంత జాగ్రత్తగా బయటకు తీశారు. ప్రాథమిక చికిత్స అనంతరం గాయపడ్డ వ్యక్తిని ఆసుపత్రికి తరలించారు. ఇంకో వైపున షేక్‌ మొహమ్మద్‌ బిన్‌ జాయెద్‌ రోడ్డులో ఓ రోడ్డు ప్రమాదం చోటు చేసుకుంది. ఈ ఘటనలో ముగ్గురికి గాయాలయ్యాయి. వారిని సమీపంలోని ఆసుపత్రికి తరలించారు.