జెట్‌ స్కీ క్రాష్‌లో 17 ఏళ్ళ యువకుడు ప్రాణాలు కోల్పోగా, నలుగురికి గాయాలయ్యాయి. ఖోర్‌ ఫక్కా బీచ్‌లో ఈ ప్రమాదం చోటు చేసుకుంది. సరిగ్గా డ్రైవింగ్‌ చేయకపోవడం, భద్రతా చర్యలు తీసుకోకపోవడమే ఈ ప్రమాదానికి కారణమని పోలీసులు ధృవీకరించారు. ప్రమాదానికి సంబంధించి సమాచారం అందుకోగానే పోలీసుల బృందం అక్కడికి చేరుకుంది. అయితే అప్పటికే 17 ఏళ్ళ యువకుడు నీటిలో మునిగి ప్రాణాలు కోల్పోయాడు. మరో నలుగురికి గాయాలు కాగా, వారికి ప్రాథమిక చికిత్స అందించి, ఆసుపత్రికి తరలించారు. బీచ్‌కి వెళ్ళేవారు, ముఖ్యంగా జెట్‌ స్కీ యూజర్స్‌ అప్రమత్తంగా ఉండాలనీ, ఈ విషయమై ఎప్పటికప్పుడు తనిఖీలు నిర్వహిస్తుండడంతోపాటు, సేఫ్టీ మెజర్స్‌పై ప్రచారం చేస్తున్నామని పోలీసులు తెలిపారు.