పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో రూపొందుతున్న హాట్రిక్ మూవీపై, ఎక్స్ పెక్టేషన్స్ ఓ రేంజ్ లో ఉన్నాయి. అందుకే ప్రీ రిలీజ్ బిజినెస్ రికార్డ్ స్థాయిలో జరుగుతోంది. హారికా అండ్ హాసినీ క్రియేషన్స్ సంస్థలో రాధాకృష్ణ, దాదాపు 100 కోట్ల బడ్జెట్ తో తెరకెక్కిస్తున్నాడు. పవర్ స్టార్ కి జోడీగా కీర్తి సురేష్, అను ఇమ్మానుయేల్ నటిస్తున్నారు. అలాగే ఖుష్బూ, ఇంద్రజ, ఆది పినిశెట్టి ప్రధాన పాత్రలు పోషిస్తున్నారు. అనిరుథ్ రవిచంద్రన్ ఈ మూవీకి సంగీతం అందిస్తున్నాడు.

పవన్, త్రివిక్రమ్ కాంబోలో వస్తున్న ఈ హాట్రిక్ మూవీకి టైటిల్ అంటూ రెండు మూడు టైటిల్స్ హల్ చల్ చేస్తున్నాయి. వాటిల్లో అజ్ఞాతవాసి, అమ్మ కోసం అభిజిత్, బహుదూరపు బాటసారి అనే టైటిల్స్ వినిపిస్తున్నాయి. అయితే ఇంకా చిత్ర యూనిట్ వీటిల్లో ఏ టైటిల్ ని ఫైనల్ చేయలేదు. కానీ వీటిల్లో అజ్ఞాతవాసి పేరు పైనే చిత్ర యూనిట్ మెగ్గు చూపుతోందట. పవన్, త్రివిక్రమ్ కాంబోలో జల్సా హిట్ అయ్యింది. అత్తారింటికి దారేది ఇండస్ట్రీ రికార్డ్స్ బ్రేక్ చేసింది. దీంతో ఇప్పుడొస్తున్న హాట్రిక్ మూవీపై అంచనాలు తారా స్థాయిలో ఉన్నాయి. దీంతో ప్రీ రిలీజ్ బిజినెస్ కూడా ఓ రేంజ్ లో జరుగుతోంది.