మెగా హీరోల మల్టీస్టారర్ సినిమా పై అందరికీ ఆసక్తే... ఎప్పటి నుంచో అల్లు అర్జున్, రామ్ చరణ్ కలిసి మల్టీస్టారర్ సినిమా చేయాలని మెగా అభిమానుల కోరిక.. ఆ కోరిక ఎప్పటికి తీరుతుందో తెలియదు కానీ.. త్వరలో బన్నీ, చెర్రీ లు కలిసి స్క్రీన్ పంచుకోబోతున్నట్లు టాలీవుడ్ వర్గాల టాక్.. అవును అల్లు అర్జున్ తాజా సినిమాలో రామ్ చరణ్ అతిధి పాత్రలో నటించనున్నారట. బన్నీ ప్రముఖ రచయిత వక్కంతం వంశీ దర్శకత్వంలో నటిస్తున్న "నా పేరు సూర్య.. నా ఇల్లు ఇండియా" . ఈ సినిమాలో చరణ్ అతిధిగా కనిపించనున్నారట.. 2014 లో రామ్ చరణ్ ఎవడు సినిమాలో బన్నీ అతిధిగా నటించగా ఆ సినిమా ఎంతటి హిట్ సాధించిందో తెలిసిందే... మరో సారి ఈ బావ బావమరుదుల జంట వెండి తెరపై మెగా అభిమానులకు కనువిందు చేయనున్నదట.. అర్జున్ సరసన అను ఇమ్మాన్యుయేల్ నటిస్తున్న ఈ సినిమా 2018 ఏప్రిల్ లో వేసవి వినోదంగా ప్రేక్షకుల ముందుకు రానున్నది.