బుర్‌ దుబాయ్‌లోని ఓ హోటల్‌ భవనంపైనుంచి దూకి మహిళ ఆత్మహత్య చేసుకున్న ఘటనకు సంబంధించి కీలక సమాచారం వెల్లడయ్యింది. ఇది హత్యా? అన్న అనుమానాలు తలెత్తగా, హత్య కాదు ఆత్మహత్య అని పోలీసులు నిర్ధారించారు. తన కుమారుడికి క్యాన్సర్‌ సోకిందనీ, ఆ వ్యాధి కారణంగా చిన్నారి పడుతున్న వేదనను తట్టుకోలేక ఆత్మహత్య చేసుకుంటున్నట్లు మృతురాలు ఆత్మహత్యకు ముందు లేఖ రాసి పెట్టి ఉండడాన్ని పోలీసులు గుర్తించారు. ఆత్మహత్య చేసుకుంటున్న తనను క్షమించాల్సిందిగా భర్తకు రాసిన మరో లేఖనీ పోలీసులు కనుగొన్నారు. ఈ ఘటనకు సంబంధించి మృతురాలి భర్తను పోలీసులు ప్రశ్నించగా, మానసిక సమస్యతో తన భార్య బాధపడుతోందనీ, అయితే ఆమె ప్రాణం తీసుకుంటుందని ఊహించలేకపోయానని చెప్పారు.