పశ్చిమ మధ్య బంగాళాఖాతంలో ఏర్పడిన అల్పపీడనం బలపడింది. నైరుతి బంగాళాఖాతానికి సమీపంలో తీవ్ర అల్పపీడనం కొనసాగుతోంది. మరో 24 గంటల్లో ఇది వాయుగుండంగా మారే అవకాశం ఉందని విశాఖ వాతావరణ శాఖ తెలిపింది. తీవ్ర అల్పపీడనం ప్రభావంతో కోస్తాంధ్రలో చెదురుమదురు వర్షాలు కురిసే అవకాశం ఉందని, కోస్తాంధ్రలో తీరం వెంబడి గంటకు 45-50 కిలోమీటర్ల వేగంతో గాలులు వీచే అవకాశం ఉందని పేర్కొంది. చేపల వేటకు వెళ్లొద్దని మత్స్యకారులకు సూచించింది. ఇప్పటికే వేటకు వెళ్లిన వారు వెనక్కి రావాలని హెచ్చరించింది.