కావలసిన పదార్థాలు: మసూర్‌ పప్పు (ఎర్ర పప్పు) - అర కప్పు, క్యారెట్‌, టమోటా గుజ్జు - 1 టేబుల్‌ స్పూను చొప్పున, నూనె - ఒకటిన్నర స్పూను, ఉల్లిపాయ తరుగు - అరకప్పు, వెల్లుల్లి తరుగు - అర టీ స్పూను, జీరాపొడి - అర టీ స్పూను, మిరియాలపొడి - అర టీ స్పూను, ఉప్పు - రుచికి తగినంత, వెజిటెబుల్‌ స్టాక్‌ - 2 కప్పులు, నీరు - 1 కప్పు, కొత్తిమీర తరుగు - గుప్పెడు, నిమ్మరసం - 1 టేబుల్‌ స్పూను, రోస్టెడ్ బ్రెడ్ ముక్కలు తగినన్ని.

తయారుచేసే విధానం: మసూర్‌పప్పుని అరగంట పాటు నానబెట్టి ఉంచుకోవాలి. నూనెలో ఉల్లి, వెల్లుల్లి తరుగు నిమిషం పాటు వేగించి జీరా, మిరియాల పొడులు, ఉప్పు, వెజిటెబుల్‌ స్టాక్‌, నీరు, నానిన పప్పు, క్యారెట్‌ టమోటా గుజ్జు వేసి 30 నిమిషాలు ఉడికించాలి. పప్పు మెత్తబడి సూప్‌ చిక్కబడ్డాక దించి నిమ్మరసం కలిపి, కప్పులో వేసి కొత్తిమీరతో అలంకరించి తాగాలి.