లవ్‌ హైదరాబాద్‌ సెల్ఫీ స్పాట్‌ ట్యాంక్‌బండ్ నుంచి మరో ప్లేస్‌కు మారింది. ట్రైప్‌ స్కల్ప్చర్‌ను ట్యాంక్‌బండ్‌ నుంచి నెక్లెస్‌రోడ్‌లోని పీపుల్స్‌ ప్లాజాకు మార్చాలని అధికారులు నిర్ణయించారు. లవ్‌ హైదరాబాద్‌ను తొలగించిన హెచ్‌ఎండీఏ అధికారులు.. పీపుల్స్‌ ప్లాజాలో ఏర్పాటు చేసేందుకు పనులు ప్రారంభించారు. స్కల్ప్చర్‌ ఏర్పాటు చేసిన కళాకృతి సంస్థ.. లవ్‌ హైదరాబాద్‌కు రంగులు వేసి తిరిగి మూడ్రోజుల్లో అందజేయనుంది. ఈలోపు పీపుల్స్‌ ప్లాజాలో దిమ్మె నిర్మించనున్నారు. చుట్టూ మూడు మీటర్ల బేబి గ్రిల్స్‌ ఏర్పాటు చేస్తామని హెచ్‌ఎండీఏ అధికారులు తెలిపారు. సందర్శకులు తాకకుండా ఇది రక్షణగా ఉంటుందని చెప్పారు. లవ్‌ హైదరాబాద్‌ వల్ల ట్యాంక్‌బండ్‌పై ప్రమాదాలు జరుగుతున్నాయని పోలీసులు హెచ్‌ఎండీఏ దృష్టికి తీసుకురావడంతో.. ట్యాంక్‌బండ్‌ నుంచి తరలించారు.