టాలీవుడ్‌లో ప్రతిభావంతుడైన దర్శకుడిగా పేరు తెచ్చుకొన్నాడు క్రిష్‌. క్రిష్ సినిమాలు ఎప్పుడూ విమర్శకుల మనసుల్ని గెలుచుకొన్నాయి. ఇటివలే నందమూరి బాలకృష్ణ 100వ సినిమాని చిరస్మరణీయంగా మలచాడు. ఇపుడు బాలీవుడ్ లో భారీ సినిమాగా మణికర్ణిక తెరకేక్కిస్తున్నాడు. భారత దేశ చరిత్రలో ధీరవనితగా గుర్తింపు తెచ్చుకున్న రాణీ లక్ష్మీబాయ్ జీవితాన్ని తీస్తున్నాడు.
ఇటీవల ఈ సినిమాకి సంబంధించిన ఫోటోలు సోషల్ మీడియాలో వైరల్ గా మారాయి. తాజాగా కాన్సెప్ట్ పోస్టర్ విడుదల చేశారు క్రిష్. బ్రిటీష్ వారి గుండెల్లో రైళ్ళు పరుగులెత్తించిన స్వాతంత్ర్య సమరయోధురాలు ఝాన్సీ లక్ష్మీ బాయి జయంతి సందర్భంగా ఈ పోస్టర్ రిలీజ్ చేశారు. బాలీవుడ్ నిర్మాత కమల్ జైన్ అత్యంత భారీ బడ్జెట్‌తో ఈ మూవీని నిర్మిస్తున్నారు. ఈ సినిమాపై భారీ అంచనాలు వున్నాయి.