బాలకృష్ణ, నయనతారల క్రేజీ కాంబినేషన్ లో రూపొందిన "శ్రీరామరాజ్యం, సింహా" చిత్రాలు ఘన విజయం సాధించిన విషయం తెలిసిందే. ఇదే సక్సెస్ ట్రాక్ ను రిపీట్ చేయడానికి  మరోసారి వీరి కాంబినేషన్ లో తెరకెక్కుతున్న ఫిల్మ్ "జై సింహా". నటసింహం నందమూరి బాలకృష్ణ కథానాయకుడిగా ప్రముఖ నిర్మాత  సి.కళ్యాణ్ సి.కె.ఎంటర్ టైన్మెంట్స్ పతాకంపై కె.ఎస్.రవికుమార్ దర్శకత్వంలో నిర్మిస్తున్న ఈ యాక్షన్ ఎంటర్‌టైనర్ సంక్రాంతి పండుగకు ప్రేక్షకుల ముందుకు రానుంది. ఈ సినిమాకు సంబంధించిన పాటల చిత్రీకరణ నవంబర్ 22 నుంచి డిసెంబర్ 1 వరకు హైద్రాబాద్ లో జరిగనుంది. ఇప్పటివరకూ బాలయ్య కెరీర్ లో "సింహా" అనే టైటిల్స్ తో వచ్చిన సినిమాలన్నీ సూపర్ హిట్ అయినట్లుగానే.. "జై సింహా" కూడా సూపర్ హిట్ అవ్వడం ఖాయం అని దర్శక నిర్మాతలు తెలిపారు.