కేంద్రమంత్రి స్మృతి ఇరానీపై బాలీవుడ్ హీరో రాజ్‌కుమార్‌ రావ్‌ కామెంట్స్ చేయడం మీడియా లో హాట్ టాపిక్ అయ్యింది. గోవాలో సోమవారం 48వ అంతర్జాతీయ ఫిలిం ఫెస్టివల్‌ ఆఫ్‌ ఇండియా కార్యక్రమం జరిగింది. ఈ కార్యక్రమానికి ముఖ్య అతిధిగా ఇరానీ హాజరయ్యింది.
కార్యక్రమంలో భాగంగా ప్రముఖ ఇరానియన్‌ దర్శకుడు మజిద్‌ మజీది తెరకెక్కించిన 'బియాండ్‌ ది క్లౌడ్స్‌' సినిమాను ప్రదర్శించారు. ఈ సినిమా గురించి వ్యాఖ్యాతగా రాజ్‌కుమార్‌ మాట్లాడుతూ.. 'అరె.. మజిద్‌ మన కేంద్రమంత్రి స్మృతి ఇరానీ లాగే ఆయన కూడా ఇరానీనే' అని మాట్లాడాడు.
ఇందుకు ఇరానీ స్పందిస్తూ.. 'ఓ మంత్రిపై హీరో రాజ్‌కుమార్‌ రావ్‌ కామెంట్‌ చేశాడు. దీన్ని బట్టే అర్థమవుతుంది ప్రభుత్వం ఎంత సహనంతో వ్యవహరిస్తోందో. ధన్యవాదాలు రాజ్‌కుమార్‌. కనీసం నీ కామెంట్‌తోనైనా నీ కాలు విరగొట్టింది భాజపా కార్యకర్తలేనని ఎవ్వరూ మాపై నిందలు వేయకుండా ఉంటారు' అని దీటుగా సమాధానమిచ్చారు.