హాలీవుడ్ సూపర్ హీరోలు అందరూ ఒకే సినిమాలో...
- November 30, 2017సూపర్ హీరోల సినిమాల ట్రెండ్ మార్చిన ఘనత హాలీవుడ్ మూవీ అవెంజర్స్ కే దక్కుతుంది. వేరే గ్రహాల నుంచి అతి భయంకరమైన విలన్లు భూమి మీదకు దండెత్తి వచ్చినప్పుడు, మానవాళిని కాపాడటానికి కలిసికట్టుగా పోరాడే అవెంజర్స్ మరోసారి యుద్ధానికి సిద్ధమవుతున్నారు. అవెంజర్స్ సిరీస్ స్టార్ట్ అయ్యే వరకు, ఒక సినిమా మొత్తం ఒక సూపర్ హీరో చుట్టూనే తిరిగేది. కానీ ఈ సినిమా నుంచి హాలీవుడ్ సూపర్ స్టార్స్ అందరూ ఒకే సినిమాలో కనిపించి వరల్డ్ వైడ్ గా ఆడియన్స్ ని మెప్పిస్తున్నారు.
అదిరిపోయే యాక్షన్ ఎపిసోడ్స్ తో సాగే అవెంజర్స్ సిరీస్ లో ఇప్పటికి రెండు సినిమాలొచ్చాయి. తాజాగా మార్వెల్ స్టూడియో మూడో పార్ట్ అవెంజర్స్- ఇన్ఫినిటీ వార్ ట్రైలర్ రిలీజ్ చేసింది. ఈ పార్ట్ లో పాత సూపర్ హీరోలతో పాటు కొత్త హీరోలు కూడా యాడ్ అయ్యారు. ముందు రెండు పార్టుల్లో ఆరుగురు హీరోలుంటే ఈసారి వాళ్ల సంఖ్య డజను దాటి ఇరవై వరకు చేరింది. అందరూ కలిసి ఒక్కసారిగా యుద్ధం చేస్తుంటే ప్రేక్షకుల కళ్లు చెదిరిపోతాయనే చెప్పొచ్చు.
అవెంజర్స్ థర్డ్ పార్ట్ ట్రైయిలర్ రీసెంట్ గానే రిలీజైంది. ట్రయిలర్ మొత్తం ఒక్కో క్యారెక్టర్ ఇంట్రడక్షన్ చేస్తూ పోయేసరికే భారీ లుక్ వచ్చేసింది. కెప్టెన్ అమెరికా - థోర్ - హల్క్ - ఐరన్ మేన్ పాత టీం కాగా.. కొత్తగా డాక్టర్ స్ట్రేంజ్ - బ్లాక్ పాంథర్ - యాంట్ మేన్ - స్పైడర్ మేన్ వచ్చి జాయినయ్యారు. ట్రయిలర్ చివర్లో గార్డియన్స్ ఆఫ్ గెలాక్సీ మూవీ సిరీస్ లో టీం మొత్తం కనిపించి హాయ్ చెప్పడం విశేషం. మొత్తానికి అవెంజర్స్-ఇన్ఫినిటీ వార్ సినిమాలో ఏ ఒక్క సూపర్ హీరో క్యారెక్టర్ నీ వదలకుండా ఇందులో వాడేసింది. అవెంజర్స్ అభిమానులకు.. యాక్షన్ సినిమాలు ఇష్టపడే వారిని మెప్పించేలానే సినిమా ఉంటుందని అర్ధమైపోతుంది. ఫస్ట్, సెకండ్ పార్టుల్లానే త్వరలోనే రిలీజ్ అయ్యే థర్డ్ పార్ట్ కూడా అదిరిపోయే రేంజ్ లో బాక్సాఫీస్ రికార్డ్స్ ని బ్రేక్ చేస్తుందంటున్నాయి హాలీవుడ్ వర్గాలు.
తాజా వార్తలు
- అమెరికాలో ఇద్దరు తెలుగు విద్యార్థులు మృతి
- సౌదీలో BON TUM మయోనైజ్ పై నిషేధం
- రస్ అల్ ఖైమాలో గాయపడ్డ వ్యక్తి ఎయిర్లిఫ్ట్
- మే14 వరకు ‘మ్యాంగో మానియా’ మహోత్సవం
- విదేశీయుల నియామకం..రెస్టారెంట్ యజమానికి భారీ ఫైన్
- ఒమన్ను సందర్శించిన ప్రముఖ భారతీయ సామాజిక కార్యకర్తలు
- 'నిద్రపోతున్న' టీచర్ని ఫోటో తీసినందుకు Dh2000 జరిమానా
- ఏపీకి భారీ వర్షాల హెచ్చరిక..
- చిన్నారి మృతదేహాన్ని ఎయిర్పోర్ట్లో వదిలేసిన సిబ్బంది
- అమీరాతో బిగ్ బాస్ 16 ఫేమ్ అబ్దు రోజిక్ నిశ్చితార్థం