విశాఖ సాగరతీరంలో యుద్ధ వాతావరణం నెలకొంది. అదేంటి.. ఇప్పుడు ఏ యుద్ధం లేదే అనుకుంటున్నారా...? ప్రతి సంవత్సరం డిసెంబర్‌ 4 వ తేదీన జరిగే  నేవీడే  సన్నాహాల్లో భాగంగా... విన్యాసాలు జరుగుతున్నాయి. నిజంగా యుద్ధం జరిగితే ఎలాంటి పరిస్థితి ఉంటుందో.. అచ్చం అలాంటి వాతావరణమే విశాఖ ఆర్కే బీచ్‌లో సృష్టించారు. యుద్ధ సమయంలో సైనికులు ఎంత వేగంగా రెస్పాండ్‌ అవుతారు... శత్రు సేనలతో వీరోచితంగా ఎలా పోరాడుతారో కళ్లకు కట్టినట్లు చూపించారు.