శంకర్ దర్శకత్వంలో తెరకెక్కిన సూపర్ స్టార్ రజనీకాంత్ రోబో '2.0 ' వచ్చే ఏడాది ఏప్రిల్ 27న విడుదల చేయనున్నట్లు లైకా ప్రొడక్షన్ అధికారికంగా ప్రకటించింది. ఇంతకు ముందు వచ్చే యేడాది జనవరి 25 రోబో '2.0 ' రిలీజ్ చేద్దామని భావించారు. ఐతే, ఇప్పుడు కొన్ని కారణాల వల్ల ఈ సినిమాని ఏప్రిల్ కి తీసుకెళ్లారు.
ఈ సినిమాలో బాలీవుడ్ హీరో అక్షయ్ కుమార్ డాక్టర్ రిచర్డ్స్ పాత్రలో కనిపించనున్నాడు. అమీ జాక్సన్ హీరోయిన్. ఎ.ఆర్ రెహ్మాన్ సంగీతం అందించారు. ఇటీవలే దుబాయ్ లో జరిగిన కార్యక్రమంలో రోబో '2.0 ' పాటలని విడుదల చేసిన సంగతి తెలిసిందే. ఈ మూవీ ట్రైలర్ ను రజనీకాంత్ పుట్టిన రోజైన ఈ నెల 12వ తేదిన విడుదల చేయనున్నారు. ఇక, ఈ సినిమా దాదాపు 15 భాషలలో ప్రేక్షకుల ముందుకు రావడం విశేషం.