మస్కట్‌: స్వదేశంలో ఓ హత్య కేసులో నిందితుడిగా ఉన్న వలసదారుడ్ని రాయల్‌ ఒమన్‌ పోలీసులు సలాలాలో అరెస్ట్‌ చేశారు. డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్స్‌ అండ్‌ ఇన్వెస్టిగేషన్స్‌ - దోపార్‌ గవర్నరేట్‌ పోలీస్‌ నిందితుడ్ని అరెస్ట్‌ చేసినట్లు రాయల్‌ ఒమన్‌ పోలీస్‌ ఆన్‌లైన్‌లో వెల్లడించడం జరిగింది. ఆసియాకి చెందిన నిందితుడికి సంబంధించి, అతని స్వదేశం నుంచి ఒమన్‌ అధికారులకు 'మోస్ట్‌ వాంటెడ్‌' నివేదిక అందడంతో విచారణ చేపట్టి, నిందితుడ్ని అదుపులోకి తీసుకున్నారు. అరెస్ట్‌ చేసిన నిందితుడ్ని, డిపోర్ట్‌ చేసి అతన్ని స్వదేశానికి అప్పగించనున్నట్లు అధికారులు తెలిపారు.