ఫేస్‌బుక్ మెసెంజర్‌ను వాడుతున్న యూజర్లకు గుడ్‌న్యూస్. అందులో ఇకపై యూజర్లు వాయిస్ కాల్ లేదా వీడియో చాట్‌లో ఉన్నప్పుడు దాన్ని గ్రూప్ కాల్ గా మార్చుకునేందుకు అవకాశం కల్పించారు. యూజర్లు యాప్‌లో తెరపై కనిపించే యాడ్ పీపుల్ బటన్‌ను ట్యాప్ చేసి అనంతరం వచ్చే ఫ్రెండ్స్ లిస్ట్‌లో మీకు కావల్సిన ఫ్రెండ్‌ను ఎంచుకుని వాయిస్ కాల్ లేదా వీడియో చాట్‌లోకి వారిని జాయిన్ చేయవచ్చు. దీంతో ఆ కాల్ లేదా చాట్ గ్రూప్ కాల్‌లోకి మారిపోతుంది. ఈ ఫీచర్ ఆండ్రాయిడ్, ఐఓఎస్ ప్లాట్‌ఫాంలపై మెసెంజర్ యాప్‌లో లభిస్తున్నది. ఈ యాప్‌ను కొత్త వెర్షన్‌కు అప్‌డేట్ చేసుకుంటే ఈ ఫీచర్‌ను పొందవచ్చు.