కువైట్ : ఓ అందమైన యువతీ వయ్యారంగా ఒగలు పోతూ..తన వద్దకు వచ్చిన కొందరికి ఓ చిన్న పొట్లం ఇచ్చి వారి వద్ద నుంచి భారీగా డబ్బులు తీసుకొంటుంది. ఇదే విధంగా మరో చోటుకి మెరుపుతీగ మాదిరిగా చక చక వెళ్లిపోవడం అక్కడ సైతం ఏదో విక్రయించడం పోలీసులు గమనించి ఆమెపై నిఘా పెట్టి హవాలీలో  అరెస్టు చేశారు.ధరించిన దుస్తులు ...మొఖానికి వేసుకొన్న మేకప్..స్వరం..హావభావాలు  బాగా తేడాగా ఉండటంతో పోలీసులు తమదైన శైలిలో విచారించేసరికి ఓ యువకుడు మహిళ రూపంలో ఉన్నట్లు  గుట్టు రట్టు కాబడింది. ఓ 20 ఏళ్ళ కువైట్ యువకుడు మత్తు పదార్ధాలను అమ్ముతున్నట్లు నిజం ఒప్పుకున్నాడు. అంతేకాకుండా ఆ యువకుడు మాధకద్రవ్యాలను తీసుకొని అసాధారణ పరిస్థితిలో కనుగొనబడింది. పోలీసులు నిందితుడిని సంబంధిత అధికారుల వద్దకు పంపించారు.