హైదరాబాద్:హైదర్‌గూడలోని ఓ అపార్ట్‌మెంట్‌లో బుదవారం నాడు తెల్లవారుజామున అగ్ని ప్రమాదం చోటు చేసుకొంది. అగ్ని ప్రమాదంలో చిక్కుకున్న వారిని అగ్నిమాపక సిబ్బంది రక్షించారు.

హైదర్‌గూడలోని అపార్ట్‌మెంట్ నాలుగో అంతస్థులో అగ్ని ప్రమాదం చోటు చేసుకొంది. దీంతో స్థానికులు అగ్నిమాపక సిబ్బందికి సమాచారం ఇచ్చారు. నాలుగు ఫైరింజన్లు మంటలను ఆర్పుతున్నాయి.

మంటల్లో చిక్కుకున్న వారిని లాడర్ల సహయంతో రక్షించారు. అగ్ని ప్రమాదం ఎందుకు చోటు చేసుకొందనే విషయమై అధికారులు ఆరా తీస్తున్నారు. మంటలు ఇతర భవనాలకు వ్యాపించకుండా అధికారులు ముందు జాగ్రత్త చర్యలు తీసుకొంటున్నారు.