కువైట్ :  తీవ్రమైన పర్యావరణ నేరానికి పాల్పడి జైలుశిక్ష విధించబడిన ఓ నిందితుడు కువైట్ అంతర్జాతీయ విమానాశ్రయం నుంచి చల్లగా జారుకొనేందుకు చేసిన ప్రయత్నాన్ని నిలువరించి పోలీస్ అధికారులు అరెస్టు చేశారు. శిక్ష విధించడంతో దేశం నుండి తప్పించుకోవడానికి ముద్దాయి  ప్రయత్నించి మరో తప్పు చేశాడు. కంప్యూటర్ సిస్టంలో ఐడెంటిటీ వెరిఫికేషన్ సమాచారంలో నిందితుడు  దేశం వెలుపలకు ప్రయాణించే అవకాశం నిషేధించబడటమే కాక ఒక నేరంలో జైలుశిక్ష అనుభవించడానికి అరెస్టు చేయాల్సివుందని వాస్తవం  వెలువడటంతో విమానాశ్రయ అధికారులు ఆ అనుమానిత వ్యక్తి గురించి సంబంధిత అధికారులకు తెలియజేశారు. అనుమానిత వ్యక్తి  ప్రమాదకర పదార్థాన్ని ఎడారి ప్రాంతంలోకి వదిలేందుకు యత్నించగా గుర్తించి నిందితుడిని దోషిగా గుర్తించారు. పర్యావరణ చట్ట ప్రకారం ఆ నిందితుడికి జైలు శిక్ష విధించే నేరం మరియు 10,000 కువైట్ దినార్లను వరకు జరిమానా విధించారు.