తారక్ మరియు చెర్రీలు ఈ మధ్య కాలంలో కలుసుకుంటూ తెగ ఎంజాయ్ చేస్తున్నారు. ఇటివలే తారక్, చెర్రీలు మహేష్‌తో  కలసి ఓ పార్టీలో సందండి చేశారు. సమయం ఉన్నప్పుడు చెర్రీ, తారక్‌లు బయట పార్టీలో మీట్ అయ్యి ఎంజాయ్ చేస్తుంటారు. తాజాగా చెర్రీ తన ఫ్రెండ్ తారక్ ఇంటికి వెళ్లి అక్కడ సందడి చేశాడు. 

శనివారం  తారక్, ప్రణతి దంపతుల పెళ్లి రోజు కావడంతో ఈ వేడుకకు చెర్రీ దంపతులు హాజరయ్యారు. తారక్ దంపతులతో కేక్‌ కట్‌ చెయించారు. అలాగే తారక్ తనయుడు అభయ్‌ రామ్‌తో సరదాగా గడిపారు. 'నాన్నకు ప్రేమతో' సినిమాలోని  ‘ఐ వనా ఫాలో ఫాలో యూ’  అంటూ  అభయ్ ముద్దు ముద్దుగా పాడుతుంటే చెర్రీ దంపతులు ఫిదా అయ్యారు. వారు అందరు కలసి ఎంజాయ్ చేసిన  ఫొటోలను ఉపాసన తన ట్విటర్‌లో పోస్ట్‌ చేసింది. ఈ ఫోటోలతో పాటు  అభయ్ పాడిన పాట వీడియోను కూడ ఆమె ఫోస్ట్ చేసింది. ఉపసాన ట్వీట్‌కి  నెటిజన్లు స్పందిస్తూ తండ్రికి మించిన తనయుడు అంటూ.. ఈ వీడియోను తెగ షేర్‌ చేస్తున్నారు.