ఓ యువకుడ్ని గాయపరిచిన కేసులో 16 ఏళ్ళ యువకుడికి 3 నెలల జైలు శిక్ష, 10,000 దిర్హామ్‌ల జరీమానా విధించింది న్యాయస్థానం. నిందితుడి చేతిలో గాయపడ్డ బాధితుడికి ఓ కంటి చూపు పూర్తిగా పోయింది. చిన్న గొడవ కాస్తా పెద్దది కావడంతో, కర్రతో నిందితుడు, బాధితుడిని కొట్టగా ఈ ఘటనలో బాధితుడి కుడి కంటికి తీవ్ర గాయమయ్యింది. ఈ క్రమంలో బాధితుడు పూర్తిగా తన కుడి కంటిని కోల్పోయాడు. కోర్ట్‌ ఆఫ్‌ ఫస్ట్‌ ఇన్‌స్టాన్స్‌ నిందితుడిపై నేరాభియోగం నిరూపితమవడంతో, ఆరు నెలల జైలు శిక్ష విధించింది. దీన్ని నిందితుడు అప్పీల్‌ కోర్ట్‌లో సవాల్‌ చేశాడు. ఈ క్రమంలో అతనికి మూడు నెలల జైలు శిక్ష 10,000 దిర్హామ్‌ల జరీమానా శిక్షగా విధించబడింది.