సూర్యుడికి అత్యంత దగ్గరకు వెళ్లేందుకు ఉద్దేశించిన వ్యోమనౌక పార్కర్‌ సోలార్‌ ప్రోబ్‌ను నాసా ఆదివారం ప్రయోగించింది. కేప్‌ కెనెవెరాల్‌ ఎయిర్‌ఫోర్స్‌ స్టేషన్‌ నుంచి దీన్ని నింగిలోకి పంపారు. డెల్టా 4 భారీ రాకెట్‌ ద్వారా ఈ ప్రోబ్‌ నింగిలోకి నిప్పులు చిమ్ముతూ దూసుకెళ్లింది. 150 కోట్ల డాలర్ల విలువైన ఈ వ్యోమనౌక విషయంలో ఇంజినీర్లు చాలా జాగ్రత్త వహిస్తున్నారని నాసా ఉన్నతాధికారి థామస్‌ జుర్బెచన్‌ పేర్కొన్నారు. తమకు ఇది వ్యూహాత్మకంగా చాలా ముఖ్యమైన వ్యోమనౌక అని వివరించారు. సూర్యుడి వెలుపలి వాతావరణ వలయమైన కరోనాలోకి ఈ వ్యోమనౌక దూసుకెళ్లనుంది.