ముంబై : ఇంగ్లీష్ వింగ్లీష్ సినిమాలో దివంగత నటి శ్రీదేవి సోదరిగా నటించిన సుజాత కుమార్ కన్నుమూశారు. గత కొంతకాలం నుంచి క్యాన్సర్‌తో బాధపడుతున్న సుజాత.. ముంబైలోని లీలావతి ఆస్పత్రిలో చికిత్స పొందుతూ ఆదివారం రాత్రి తుదిశ్వాస విడిచారు. సుజాత ఆదివారం రాత్రి 11:26 గంటలకు కన్నుమూసినట్లు ఆమె సోదరి సుచిత్ర కృష్ణమూర్తి తన ట్విట్టర్ ద్వారా వెల్లడించింది. విల్లే పార్లేలో ఇవాళ అంత్యక్రియలు నిర్వహించనున్నట్లు ఆమె తెలిపారు. సుజాత కుమార్.. గోరి తేరే ప్యార్ మేన్, రంజ్‌హనా సినిమాలతో పాటు పలు టీవీ షోలలో నటించారు.