ఫ్రాన్స్‌లో ఘోరం జరిగింది. హోంవర్క్ చేయడం లేదని తొమ్మిదేళ్ల బాలుడిని చితకబాదడంతో అతడు ప్రాణాలు వదిలాడు. బుధవారం జరిగిన ఈ ఘటన స్థానికంగా సంచలనం సృష్టిస్తోంది. వివరాల్లోకి వెళితే.. స్థానిక ముల్ హౌజ్‌ పట్టణంలో నివాసం ఉంటున్న తొమ్మిదేళ్ల బాలుడు హోంవర్క్ చేయనని మారం చేయడంతో.. అతని అక్క, అన్న తీవ్రంగా కొట్టారు. ఆ సమయంలో అతని అన్న స్నేహితురాలు కూడా అక్కడే ఉంది. దెబ్బలకు తాళలేక ఆ అబ్బాయి అక్కడికక్కడే ప్రాణాలు వదిలాడు. అత్యవసర సేవల కోసం కాల్ చేసినా లాభం లేకుండా పోయిందని నిందితులు నేరాన్ని అంగీకరించారు. కేసు నమోదు చేసుకున్న పోలీసులు దర్యాప్తు చేస్తున్నారు. ఈ కేసులో బాలుడి తల్లితో సహా నిందితులు ముగ్గురిని అదుపులోకి తీసుకున్నారు. అయితే ఘటన సమయంలో బాలుడి తల్లి అక్కడ లేదు. అయినా విచారణ నిమిత్తం ఆమెను కూడా అదుపులోకి తీసుకున్నట్టు పోలీసులు తెలిపారు.