మస్కట్‌: విలాయత్‌ ఆఫ్‌ సోఫార్‌లోని ఓ షాపింగ్‌ మాల్‌లో జరిగిన అగ్ని ప్రమాదంలో ఇద్దరికి గాయలయ్యాయని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ పేర్కొంది. విలాయత్‌ ఆఫ్‌ సోఫార్‌లో సంభవించిన అగ్ని ప్రమాదాన్ని వెంటనే నిలువరించగలిగామనీ, ఈ క్రమంలో ఇద్దరు ఆసియా జాతీయులు గాయపడ్డారనీ, వారికి తక్షణం అత్యవసర వైద్య చికిత్స అందించామని చెప్పారు. వారిద్దరికీ ఇప్పుడెలాంటి ప్రాణాపాయం లేదని పిఎసిడిఎ ఓ ప్రకటనలో పేర్కొంది.