సినీ నటుడు, శ్రీవిద్యానికేతన్ సంస్థల ఛైర్మన్ మోహన్‌బాబు నివాసం వద్ద ఉదయం ఉద్రిక్తత పరిస్థితి నెలకొంది. ప్రభుత్వం ఫీజు రీఎంబర్స్‌మెంట్ బకాయిలు తక్షణమే రిలీజ్ చేయాలని డిమాండ్ చేస్తూ ఆయన తిరుపతిలో ఆందోళనకు సిద్ధమయ్యారు. ఈ నేపథ్యంలో.. ఆయన బయటకు రాకుండా నిలువరించిన పోలీసులు హౌస్ అరెస్ట్ చేశారు. ఎన్నికల కోడ్ అమల్లో ఉన్నందున ఎలాంటి ర్యాలీలకు అనుమతి లేదని స్పష్టం చేశారు. దీంతో.. పోలీసులకు , మోహన్‌బాబుకు మధ్య వాగ్వాదం జరిగింది. ఎట్టిపరిస్థితుల్లోనూ తాను ఆందోళన చేసి తీరతానని మోహన్‌బాబు పట్టుదలగా ఉన్నారు. ఈనేపథ్యంలో.. శ్రీవిద్యా నికేతన్ వద్ద భారీగా పోలీసుల్ని మోహరించారు.