దేశంలో అధికార భారతీయ జనతా పార్టీ అగ్రనేలపై అల్‌ఖైదా ఉగ్రవాదులు పగబట్టారు. తమ హిట్ లిస్టులో పలువురు బీజేపీ నేతల పేర్లు చేర్చుకున్నారు. వీరందరినీ హత్య చేసేందుకు ప్రణాళిక రూపొందిచినట్టు వార్తలు వస్తున్నాయి. గత బుధవారం బెంగళూరులో అల్‌ఖైదా ఉగ్రవాద సంస్థకు చెందిన సయ్యద్‌ అంజర్‌ షా ఖాజ్మిని దిల్లీ పోలీసులు అదుపులోకి తీసుకున్నారు. అతనిని విచారించిన అనంతరం అల్‌ఖైదా హిట్‌లిస్టులో ప్రముఖ భాజపా నేతలు ఉన్నట్లు వెల్లడైంది. దీంతో అధికారులు అప్రమత్తమయ్యారు. ఇదిలావుండగా, ఈ ఉగ్రవాదినితి శుక్రవారం పాటియాలా కోర్టులో హాజరుపరిచారు. జనవరి 20 వరకు పోలీసు కస్టడీకి తీసుకోనున్నట్లు అధికారులు తెలిపారు. అతనికి రాజకీయనాయకులతో ఉన్న సంబంధాలపై కూడా పోలీసులు ఆరా తీస్తున్నారు. ఇప్పటివరకు ఉన్న సమాచారం ప్రకారం అల్‌ఖైదా భారత ఉపఖండంలో ఉగ్రదాడి జరిపేందుకు ప్రణాళిక రచిస్తున్నట్లు ఖాజ్మిని వద్ద జరిపిన విచారణలో వెల్లడైంది.