న్యూఢిల్లీ: ప్రముఖ బాలీవుడ్ నటుడు అమితాబ్ బచ్చన్ కు అత్యున్నత పురస్కారం లభించింది. కేంద్రప్రభుత్వం అమితాబ్ బచ్చన్ కు ప్రతిష్టాత్మక దాదాసాహెబ్ ఫాల్కే అవార్డు ప్రకటించింది. 'రెండు తరాలకు స్పూర్తిగా నిలుస్తూ వినోదాన్ని అందించిన లెజెండ్ నటులు అమితాబ్ దాదాసాహెబ్ ఫాల్కే అవార్డుకు ఎంపికయ్యారు. యావత్ దేశంలో, ఖండాంతరాల్లో ఉన్న ప్రజలు సంతోషించే విషయం. ఈ సందర్భంగా బిగ్ బీకి నా హృదయపూర్వక శుభాకాంక్షలు' అని కేంద్ర సమాచార, ప్రసార మంత్రిత్వ శాఖ మంత్రి ప్రకాశ్ జవదేకర్ ట్వీట్ చేశారు.