రియాద్ః సాంస్కృతిక సహకారంపై సౌదీ అరేబియా, ఇండియా చర్చించాయి.  యూఎన్ పర్యాటక జనరల్ అసెంబ్లీ 26వ సమావేశంలో పాల్గొనడానికి రియాద్‌కు వచ్చిన  భారత సాంస్కృతిక మంత్రి గజేంద్ర సింగ్ షెకావత్‌తో సౌదీ సాంస్కృతిక మంత్రి ప్రిన్స్ బాదర్ బిన్ అబ్దుల్లా సమావేశమయ్యారు. ఈ సందర్భంగా ఇద్దరు మంత్రులు రెండు దేశాల మధ్య బలమైన సాంస్కృతిక సంబంధాలపై సమీక్షించారు.  సాంస్కృతిక  మరియు ఇతర రంగాల్లో సహకారానికి సంబంధించి ఒక అవగాహన ఒప్పందం (MoU)పై సంతకాలు చేశారు. రెండు దేశాలలో జరిగే సాంస్కృతిక ఉత్సవాలు మరియు కార్యక్రమాలలో పాల్గొనాలని నిర్ణయించారు.  
అంతకుముందు "గ్లోబల్ హార్మొనీ 2" లో భాగంగా రియాద్‌లోని సువైది పార్క్‌లో జరిగిన భారతీయ సాంస్కృతిక వారోత్సవ కార్యక్రమాలను భారత మంత్రి షెకావత్ సందర్శించారు. ఇది 49 రోజుల పాటు కొనసాగుతుంది.