కువైట్:నిషేధిత ప్రాంతంలో డ్రోన్లు ఎగరవేస్తున్న ఇద్దరు ఫిలిప్పినోస్‌ని అరెస్ట్‌ చేసిన 72 గంటల్లోనే అథారిటీస్‌ ముగ్గురు కువైటీలను ఇదే కారణంతో అరెస్ట్‌ చేయడం జరిగింది. అరెస్ట్‌ చేసినవారిని విచారణ నిమిత్తం ఫహహీల్‌ పోలీస్‌ స్టేషన్‌కి తరలించారు. బుర్గాన్‌ ప్రాంతంలో నిందితులు డ్రోన్లు ఎగరవేస్తున్నట్లు అధికారులు తెలిపారు. నిషేధిత ప్రాంతంలో నిందితులు డ్రోన్లు ఎగురవేస్తున్నట్లు అధికారులు పేర్కొన్నారు. అరెస్ట్‌ చేసినవారిపై చట్టపరమైన చర్యలు వుంటాయనీ, సంబంధిత అధికారుల అనుమతుల్లేకుండా డ్రోన్లను ఎగురవేయడానికి వీల్లేదనీ, నిషేధిత ప్రాంతాల్లో డ్రోన్లను ఎగురవేసే వారికి కఠినమైన శిక్షలు వుంటాయని అధికారులు చెబుతున్నారు.