తమిళ్ స్టార్ హీరో సూర్య మరోసారి తన గొప్ప మనసుని చాటుకొన్నారు. తమిళనాడు చలన చిత్ర దర్శకుల సంఘానికి నటుడు సూర్య రూ.10 లక్షల విరాళాన్ని అందజేశారు. దర్శకుల సంఘం సంక్షేమాన్ని దృష్టిలో ఉంచుకుని సూర్య విరాళాన్ని ప్రకటించినట్లు తెలుస్తోంది. ఈ చెక్కుని సంఘం ప్రధాన కార్యదర్శి ఆర్ వీ ఉదయకుమార్ కు చెక్కు అందజేశారు. ఈ సందర్భంగా సూర్యకు సంఘం అధ్యక్షుడు ఆర్ కే సెల్వమణి, కోశాధికారి పేరరసులు కృతజ్ఞతలు తెలియజేశారు.

సూర్య నటించిన బందోబస్త్ ఇటీవలే ప్రేక్షకుల ముందుకొచ్చిన సంగతి తెలిసిందే. తమిళ్ లో ఓ మోస్తరుగా ఆడినా.. తెలుగులో మాత్రం పెద్దగా ఆడలేదు. ఇక సూర్య డైరెక్ట్ తెలుగు సినిమా చేసే ప్లాన్ లో ఉన్నట్టు తెలుస్తోంది. త్వరలోనే దీనిపై ప్రకటన రావొచ్చని చెబుతున్నారు.