యూఏఈకి చెందిన ఎతిహాద్‌ ఏవియేషన్‌ గ్రూప్‌ అలాగే ఎయిర్‌ అరేబియా సంయుక్తంగా లో కాస్ట్‌ క్యారియర్‌ని ప్రారంభించే విషయమై ఒప్పందం కుదుర్చుకున్నాయి. ఎతిహాద్‌ అలాగే ఎయిర్‌ అరేబియా ఈ మేరకు ఇండిపెండెంట్‌ జాయింట్‌ వెంచర్‌ కంపెనీని ప్రారంభించనున్నాయి. అబుదాబీ ఇంటర్నేషనల్‌ ఎయిర్‌ పోర్ట్‌లో దీని హబ్‌ వుండబోతోంది. అబుదాబీ నుంచి వెళ్ళే విమానాలకు ఈ లో కాస్ట్‌ క్యారియర్స్‌ కాంపిలమెంట్‌ చేస్తాయి. ఎతిహాద్‌ ఏవియేషన్‌ గ్రూప్‌ ఛైర్మన్‌ టోనీ డగ్లస్‌ మాట్లాడుతూ, ఎయిర్‌ అరేబియాతో కలిసి చేపట్టనున్న ఈ ప్రోగ్రామ్‌, అబుదాబీని ఈ రంగంలో మరింత ముందుకు తీసుకెళ్తుందని అభిప్రాయపడ్డారు. ఎయిర్‌ అరేబియా గ్రూప్‌ చీఫ్‌ ఎగ్జిక్యూటివ్‌ ఆఫీసర్‌ అదెల్‌ అల్‌ అలి మాట్లాడుతూ, ఎతిహాద్‌తో కలిసి భాగస్వామ్యం పంచుకోవడం ఆనందంగా వుందన్నారు.