అడ్రస్‌ ద్వారా లొకేషన్‌ని గుర్తించడం ఇకపై తేలిక కానుంది దుబాయ్‌లో. ఎమిరేట్‌లోని కమ్యూనిటీస్‌ని 14 జిల్లాలుగా విభజించారు. రోడ్‌ ట్రాన్స్‌పోర్ట్‌ అథారిటీ (ఆర్‌టిఎ) దుబాయ్‌ డిస్ట్రిక్ట్‌ అడ్రసింగ్‌ సిస్టమ్‌ తొలి మ్యాప్‌ని విడుదల చేసింది. ఇందులో 14 జిల్లాల్ని, మరియు అందులో కమ్యూనిటీస్‌ని పేర్కొంది. హదాయిక్‌ మహమ్మద్‌ బిన్‌ రషీద్‌ (మహమ్మద్‌ బిన్‌ రషీద్‌ గార్డెన్స్‌) డిస్ట్రిక్ట్‌, మహమ్మద్‌ బిన్‌ రషీద్‌ సిటీని కవర్‌ చేస్తుంది. ఇది ఫ్యామిలీ టూరిజం హబ్‌గా వుంటుంది. అల్‌ ఖోజ్‌, అల్‌ బర్షా, నద్‌ అల్‌ షీబా మరియు అల్‌ థన్యా ఇతర కమ్యూనిటీలు. మిగతా నాలుగు డిస్ట్రిక్ట్స్‌ విషయానికొస్తే మదినాత్‌ అల్‌ మక్తౌమ్‌ డిస్ట్రిక్ట్‌ - అల్‌ మక్తౌమ్‌ ఇంటర్నేషనల్‌ ఎయిర్‌పోర్ట్‌ పరిసరాల్ని కవర్‌ చేస్తుంది. మదినాత్‌ అల్‌ ఖద్రా మరియు అల్‌ వజీహా అల్‌ బహ్రియా డిస్ట్రిక్ట్స్‌ సౌత్‌ ఈస్ట్‌ మరియు సౌత్‌ వెస్ట్‌ ప్రాంతాల్ని కవర్‌ చేస్తుంది. దీరా, బుర్‌ దుబాయ్‌, నఖ్లత్‌ దీరా (పామ్‌ దీరా), ముష్రిఫ్‌, అల్‌ అవిర్‌, రస్‌ అల్‌ ఖోర్‌, జబీల్‌, జుమైరా, దుబాయ్‌ ల్యాండ్‌ మరియు జబెల్‌ అలీ ఇతర జిల్లాలు. ఆర్‌టిఏ ట్రాఫిక్‌ డైరెక్టర్‌ హుస్సేన్‌ అల్‌ బన్నా మాట్లాడుతూ, డిస్ట్రిక్ట్‌ అడ్రస్‌ సిస్టమ్‌ అంతర్జాతీయ ప్రమాణాల మేరకు రూపొందించబడిందని అన్నారు. తమ లొకేషన్‌ని ప్రజలు తెలుసుకోవడానికి ఈ కొత్త సిస్టమ్‌ ఉపయోగపడ్తుందని ఆయన చెప్పారు.