అమెరికా హెచ్‌1 బి, ఎల్‌1 వీసా ఫీజులను భారీగా పెంచింది. ఇకపై ఈ వీసాలకోసం అదనంగా 4 వేల డాలర్ల ఫీజు చెల్లించాల్సి ఉంటుంది. అమెరికా పౌరసత్వం, ఇమ్మిగ్రేషన్‌ సర్వీసు (యుస్‌ సిఐఎస్‌) తాజా ప్రకటనతో డిసెంబర్‌ 18, 2015 తర్వాత ఈ తరహా వీసాల కోసం దరఖాస్తు చేసుకున్న వారంతా అదనంగా మరో 4 వేల డాలర్ల ఫీజుచెల్లించాలి. అయితే 2015 డిసెంబర్‌ 18వ తేదీనే ఇందుకు సంబంధించి అమెరికా ఒక చట్టం చేసింది. దీంతో అమెరికిఆలో 50 అంతకు మించి ఎక్కువగా ఉద్యోగులను నియమించే కంపెనీలు , అలాగే తమ సంస్థల్లో పనిచేసేఉద్యోగుల్లో 50 శాతానికి మించి హెచ్‌1బి వీసాదారులు ఉన్న కంపెనీలకు ఈ చట్టం వర్తిస్తుంది.