దుబాయ్‌ :వచ్చేవారం నుంచి పాక్షికంగా దుబాయ్‌ మెట్రో సేవలు అందుబాటులోకి వచ్చే అవకాశముంది. దుబాయ్‌ ఎకనమిక్‌ డిపార్ట్‌మెంట్‌ తాజా గైడ్‌లైన్స్‌ నేపథ్యంలో ఈ అంచనాకి వస్తున్నారు. రెడ్‌లైన్‌లో కొన్ని రిస్ట్రిక్టెడ్‌ ప్రాంతాలకు సంబంధించిన స్టేషన్లు మినహా మిగతావన్నీ ఉదయం 7 నుంచి రాత్రి 7 గంటల వరకు పనిచేస్తాయి. పీక్‌ అవర్స్‌లో వెయిటింగ్‌ టైమ్ మూడు నిమిషాలుగా వుండబోతోంది. దుబాయ్‌ మెట్రో గ్రీన్‌లైన్‌ ఉదయం 7 నుంచి రాత్రి 7 వరకు పనిచేయనుంది.. దీనికి కూడా రిస్ట్రిక్టెడ్‌ ఏరియాల్లోని స్టేషన్లు పనిచేయవు. వెయిటింగ్‌ టైమ్ ఈ గ్రీన్‌లైన్‌కి కూడా మూడు నిమిషాలు. మాస్క్‌లను ధరించడం, ఫిజికల్‌ డిస్టెన్స్‌ పాటించడం తప్పనిసరి అని అధికారులు చెబుతున్నారు. ఎలివేటర్స్‌లోనూ వినియోగంపై కొన్ని ఆంక్షలు విధిస్తారు. వాటిల్లో ఒకరు లేదా ఇద్దరికి మాత్రమే అవకాశం వుంటుంది. ఎప్పటికప్పుడు స్టెరిలైజేషన్‌ ప్రక్రియలు నిర్వహిస్తారు. ఎంట్రన్స్‌లలో ప్రత్యేక వైద్య పరీక్షలు నిర్వహిస్తారు.