అల్‌ జుబారా చారిత్రక కోటలో సౌకర్యాలను పెంచాల్సి ఉందని పర్యాటకులు అభిప్రాయపడ్డారు. యునెస్కో వరల్డ్‌ హెరిటేజ్‌ సైట్‌ గుర్తింపును 2013లో పొందింది జుబారా ఫోర్ట్‌. ఎంతో చారిత్రక ప్రాధాన్యం ఉన్నప్పటికీ సౌకర్యాల కల్పనలో జుబారా ఫోర్ట్‌ నిర్లక్ష్యానికి గురవుతోందని పర్యాటకులు ఆవేదన వ్యక్తం చేస్తున్నారు. రెస్టారెంట్స్‌, టాయిలెట్స్‌, గిఫ్ట్‌ షాప్స్‌ ఇతర సౌకర్యాలను కల్పించాల్సిందిగా పర్యాటకులు విజ్ఞప్తి చేశారు. ఫోర్ట్‌కి వెళ్ళే రహదారిని కూడా అభివృద్ధి చేయాల్సి ఉందని వారు చెప్పారు. ఖతార్‌లో అత్యంత ప్రాధాన్యత కలిగిన జుబారా ఫోర్ట్‌ అభివృద్ధికి చర్యలు తీసుకోవాలని వెస్టర్న్‌ టూరిస్ట్‌ రాన్‌ చెప్పారు. దోహా నుంచి 105 కిలోమీటర్ల దూరంలో జుబారా ఫోర్ట్‌ ఉంది.