భారతదేశానికి చెందిన హౌస్‌మెయిడ్‌, ఇద్దరు ఖతారీ జాతీయులు రోడ్డు ప్రమాదంలో మృతి చెందారు. అబుసమారా రోడ్‌లో జనవరి 27న ఈ రోడ్డు ప్రమాదం చోటుచేసుకుంది. ఈ ప్రమాదంలో మృతిచెందిన భారతదేశానికి చెందిన హౌస్‌మెయిడ్‌ని బాడుగు రామలక్ష్మిగా గుర్తించారు. ఆమె వయసు 32 సంవత్సరాలు. ఈ ప్రమాదంలో మరో మగ్గురు గాయపడ్డారు. వారిలో ఇద్దరు మహిళలున్నారు. ఖతార్‌లో గడచిన 40 రోజుల్లో నలుగురు భారతీయ హౌస్‌మెయిడ్స్‌ చనిపోయారు. వారిలో ఓ హౌస్‌మెయిడ్‌ పనిచేస్తున్న ప్రాంతంలో ఆత్మహత్యకు పాల్పడ్డారు. మరో ఇద్దరు రూమ్‌లో హీటర్‌ నుంచి వచ్చిన పొగతో ఊపిరి ఆడక చనిపోయారు. 40 రోజుల్లో చనిపోయిన నలుగురూ ఆంధ్రప్రదేశ్‌కి చెందినవారే. రామలక్ష్మి విశాఖపట్నం జిల్లాకు చెందినవారు. మృతదేహాల్ని భారతదేశానికి పంపేందుకు ప్రయత్నాలు జరుగుతున్నాయి. పోతుల పుష్పవతి, కుంచె మంగ ఊపిరి ఆడక చనిపోయినవారు.