రాజకీయం ఎత్తు గడల్లో అధికార దాహం మైకంలో 

రాజ్యాంగం ఆదమరచి నిద్రిస్తున్నప్పుడు 

కశ్మీరo,కార్గిల్ మాతృమాత ఎదపై అందమైన 

ఆభరణాలను కొల్లగొట్ట, మిత్రుడనుకున్నవాడే 

శత్రువై దొంగ దెబ్బ తీయాలని వస్తే,

నీకు సరిపడా యంత్రాలను సమకూర్చలేని 

అసమర్థ పాలకుల కోసం మా కోసం ... 

దేశమాత పాలభాగం రక్షణలో,రక్తాన్ని చిలికి 

వాస్తవాధీన రేఖను శాశ్వతం  చేసావా 

నేస్తం 

నవమాసాలు మోసి పేగు పంచిన కన్నతల్లిని 

మరచి,పాదాల పారాణి ఆరని నిను కట్టుకున్న 

ఆ మహా తల్లిని విడచి,జన్మ నిచ్చిన నీ తండ్రికి 

బహుమతిగా .. 

నా కొడుకు వీర జవానని  రొమ్ము విరుచుకొని 

చెప్పుకొమ్మనే కదూ ?

నీవు జన్మించిన భూతల్లి ఋణం కోసం 

మా సుఖం కోసం.. ప్రాణ త్యాగం చేసి 

మా గుండెల్లో మండే ఆరని

దీపనివయ్యావులే నేస్తం!

--జయరెడ్డి బోడ(అబుధాబి)