రియాద్:మహిళా ప్రయాణికులను రహస్యంగా ఫోటోలు తీస్తున్న ఓ టాక్సీ డ్రైవర్ ను రియాద్ పోలీసులు అరెస్ట్ చేశారు.  పాకిస్తాన్ కు చెందిన 60 ఏళ్ల వ్యక్తి కొన్నాళ్లుగా రియాద్ లో టాక్సీ నడుపుతున్నాడు. అయితే..నిందితుడు తన టాక్సీలో ప్రయాణిస్తున్న మహిళలకు తెలియకుండా సీక్రెట్ ఫోటోలు తీసి సోషల్ మీడియా యాప్ లలో అప్ లోడ్ చేసేవాడని రియాద్ పోలీస్ సహాయక అధికార ప్రతినిధి తెలిపారు. యాంటీ సైబర్ క్రైమ్ చట్టం ప్రకారం నిందితుడ్ని అరెస్ట్ చేశామని, న్యాయవిచారణ జరిపి చట్టరిత్యా అతనిపై చర్యలు తీసుకుంటామని వెల్లడించారు. సౌదీ చట్టాల ప్రకారం అనుమతి లేకుండా ఇతరుల ఫోటోలు తీయటం నిషేధం. ఇతరులను ఫోటోలు దించితే..5 లక్షల రియాల్స్ జరిమానాతో పాటు ఏడాది జైలు శిక్ష విధిస్తారు.