కువైట్ సిటీ:రాబోయే వారం రోజుల్లో దేశంలో చలి తీవ్రత పెరగనుందని కువైట్ వాతావరణ శాఖ అధికారులు వెల్లడించారు. వచ్చే బుధవారం నుంచి చలిగాలుల ప్రభావం ఎక్కువగా ఉంటుందని ప్రకటించారు. బుధవారం మొదలై శనివారం వరకు చలి తీవ్రత కొనసాగుతుందన్నారు. కువైట్ సిటీతో పాటు నివాసిత ప్రాంతాల్లో కనిష్ట ఉష్ణోగ్రతలు 4 డిగ్రీల సెల్సియస్ కు పడిపోతాయని, అదే ఎడారి ప్రాంతాల్లో అయితే కనిష్ట ఉష్ణోగ్రతలు 0 డిగ్రీల సెల్సియస్ పడిపోతాయని అధికారులు వివరించారు. రాబోయే కొద్ది రోజుల పాటు కువైట్ వ్యాప్తంగా సగటు గరిష్ట ఉష్ణోగ్రత 14 డిగ్రీల సెల్సియస్ గా నమోదవుతాయని వెల్లడించారు.