బహ్రెయిన్: ఫస్ట్ హై క్రిమినల్ కోర్టు, ఇద్దరు వ్యక్తులకు హ్యూమన్ ట్రాఫికింగ్ కేసులో 10 ఏళ్ళ జైలు శిక్ష విధించింది. ఇద్దరికీ చెరో 2,000 బహ్రెయినీ దినార్ల జరీమానా కూడా న్యాయస్థానం విధించింది. బాధితుల రిపాట్రియేషన్ ఖర్చుల్నీ నిందితులే భరించాలని న్యాయస్థానం ఆదేశించింది. బహ్రెయిన్‌లో ఉద్యోగాలంటూ విదేశాల నుంచి మహిళల్ని, యువతుల్ని రప్పించి, వారిని నిందితులు మోసం చేస్తున్నట్లుగా విచారణలో తేలింది. అందిన సమాచారం మేరకు, బాధిత మహిళల్ని రక్షించిన అధికారులు, నిందితుల్ని అరెస్ట్ చేశారు.