కువైట్: జనరల్ అడ్మినిస్ట్రేషన్ ఆఫ్ కస్టమ్స్, కువైట్ దేశంలోకి 1.9 కిలోగ్రాముల మరిజువానా వ్యాక్స్ అలాగే 79 హాషిష్ పీసెస్ స్మగ్లింగుని అడ్డుకోవడం జరిగింది. ఒకటి పార్సెల్ లోనూ, ఇంకొకటి ప్రయాణీకుడి లగేజీలోనూ దొరికింది. కెనడా నుంచి 1.9 కిలోల మరిజువానా వ్యాక్స్ పార్సెల్ రూపంలో రాగా, అది అందుకునేందుకు వచ్చిన నిందితుడ్ని అరెస్ట్ చేశారు. మరోపక్క, కస్టమ్స్ అధికారులు భారతదేశంలోని ఢిల్లీ నుంచి వచ్చిన వ్యక్తి లగేజీలో 79 పీసుల హాషిష్ స్వాధీనం చేసుకోవడం జరిగింది. నిందితులిద్దరినీ విచారిస్తున్నారు అధికారులు.