టాలీవుడ్ లో స్టార్ హీరోలతో సమానంగా క్రేజ్ ను సంపాదించుకున్న బ్రహ్మీ కమెడియన్ గా ఒక రోజుకు 5 లక్షల పారితోషికం డిమాండ్ చేసిన విషయం తెలిసిందే. అయితే యంగ్ కమెడియన్స్ హవా మధ్య బ్రహ్మనందం క్రేజ్ పూర్తిగా తగ్గి పోవడంతో బ్రహ్మీ పని అయిపోయింది అన్న కామెంట్స్ మొదలయ్యాయి. ఈ కామెంట్స్ బ్రహ్మానందం వరకు వెళ్ళడంతో బ్రహ్మానందం తన వ్యవహార శైలిలో చాల మారినట్లుగా కనిపిస్తోంది. ఇప్పటి వరకు మీడియాని పెద్దగా పట్టించుకోని బ్రహ్మానందం ఆ మధ్య జరిగిన తన పుట్టినరోజుకు చాలామంది మీడియా ప్రతినిధులను పిలిచి వారికి మంచి పార్టీ ఇచ్చినట్లుగా కూడ వార్తలు వచ్చాయి. అంతేకాదు తన వద్దకు వస్తున్న మీడియా సంస్థ ప్రతినిధులతో నవ్వుతూ మాట్లాడటమే కాకుండా ఈమధ్య చిన్న చిన్న కార్యక్రమాలకు కూడా హాజరవుతు అందరికీ షాక్ ఇస్తున్నాడు.లేటెస్ట్ గా కమెడియన్ ధన్ రాజ్ ఇంటి గృహప్రవేశ ఫంక్షన్స్ కు హాజరై అతడిని అతడి కుటుంబ సభ్యులను అభినందించడం అందరికీ షాక్ ఇచ్చింది. దీనికి కారణం బ్రహ్మీ గతంలో చిన్న తారలు జరుపుకునే ఏ ఫంక్షన్స్ కు వ్యక్తిగతంగా బ్రహ్మానందం హాజరైన సందర్భాలు చాల అరుదు. దీనితో బ్రహ్మానందం మారిపోయాడు అంటూ ఫిలింనగర్ లో సెటైర్లు పడుతున్నాయి. ఈ పరిస్థుతులు చూస్తూ ఉంటే రానున్న రోజులలో చుక్కలను తాకుతున్న బ్రహ్మీ పారితోషికం తగ్గించుకున్నా ఆశ్చర్యం లేదు అని అంటున్నారు. బ్రహ్మీకి అవకాశాలు తగ్గిపోయాయి అని వార్తలు వస్తున్నా సమ్మర్ రేస్ కు వస్తున్న భారీ సినిమాలు 'సర్దార్ గబ్బర్ సింగ్' 'బ్రహ్మోత్సవం' సినిమాలలో బ్రహ్మీ పాత్ర ఉండటం బట్టి ఇంకా బ్రహ్మానందం క్రేజ్ కొనసాగుతూనే ఉంది అని అనిపించడం సహజం..