కావలసిన పదార్థాలు: గుడ్లు - నాలుగు, బీట్‌ రూట్‌ - ఒకటి(చిన్నది) క్యాప్సికమ్‌ - ఒకటి, క్యాబేజి తురుము- రెండు టేబుల్‌ స్పూన్లు, ఉల్లిపాయ - ఒకటి, టమోటాలు - రెండు, బీన్స్‌ - నాలుగు, పచ్చిమిరపకాయలు - ఆరు, కొత్తిమీర కట్ట - ఒకటి, ఉప్పు - తగినంత, పసుపు - చిటికెడు, నూనె - సరిపడా. 

తయారుచేయు విధానం: ముందుగా కూరగాయ ముక్కల్ని కుక్కర్లో ఒక విజిల్‌ వచ్చేవరకూ ఉడికించుకోవాలి. స్టౌ మీద గిన్నె పెట్టి కొద్దిగా నూనె పోసి బాగా కాగాక పచ్చిమిరపకాయ ముక్కలు, ఉల్లిపాయ ముక్కలు వేసి వేగించాలి. కొద్దిగా పసుపు, ఉప్పు, ఉడికించి పెట్టుకున్న కూరగాయ ముక్కలు కూడా వేసి బాగా కలిపి వెంటనే దించేయాలి. గుడ్డు సొనని ఒకసారి మిక్సీలో వేసుకుని ఆమ్లెట్‌ వేయాలి.(ఆమ్లెట్‌ లావుగా రావాలంటే మిక్సీలో వేసుకోవాలి) ఆమ్లెట్‌పై కూరముక్కల్ని చల్లి చివర్లో కొత్తిమీర తురుము వేసి ఒకవైపుకి మడిచి సర్వ్‌ చేసుకోవాలి.