సౌదీ అరేబియా: వ్యాక్సినేషన్ పొందిన ప్రయాణీకులకు క్వారంటైన్ అవసరం లేదని సౌదీ అరేబియా స్పష్టం చేసింది. జనరల్ అథారిటీ ఫర్ సివిల్ ఏవియేషన్, వ్యాక్సినేషన్ పొందినవారికి క్వారంటైన్ నిబంధనను పూర్తిగా ఎత్తివేసింది. ప్రయాణీకులు వ్యాక్సినేషన్ సర్టిఫికెట్ చూపించాల్సి వుంటుంది. అలా చూపిస్తే, వారికి క్వారంటైన్ నుంచి మినహాయింపు లభిస్తుంది. ఫైజర్ బయో ఎన్ టెక్, మోడెర్నా, ఆస్ట్రాజెనకా, జాన్సన్ మరియు జాన్సన్ టీకాలకు ఇది వర్తిస్తుంది. వ్యాక్సిన్ పొందని విదేశీ ప్రయాణీకులకు మాత్రం ఏడు రోజుల ఐసోలేషన్ పీరియడ్ తప్పనిసరి.