నిత్యం బిజీగా ఉండే దోహా స్ట్రీట్‌లో ఓ పులి ప్రత్యక్షమయ్యింది. దాంతో ట్రాఫిక్‌కి తీవ్ర అంతరాయం కలిగింది. అయితే ఇది ఓ వీడియో రూపంలో వెలుగు చూసింది. సోషల్‌ మీడియాలో హల్‌చల్‌ చేస్తున్న ఈ వీడియో ఎప్పుడు చిత్రీకరించారు, ఎలా చిత్రీకరించారనేది తెలియరాలేదు. పులిని కొందరు వ్యక్తులు వాహనంలో తరలిస్తుండగా, వాహనం నుంచి బయటపడ్డ పులి, రోడ్లపైకి వచ్చినట్లు అనుమానిస్తున్నారు. పులిని తరలిస్తున్న వ్యక్తులే దాన్ని తిరిగి వాహనంలోకి ఎక్కించారని సమాచారమ్‌. సోషల్‌ మీడియాలో ఈ వీడియోకి విపరీతమైన క్లిక్స్‌ వస్తున్నాయి. ఈ ఘటనకు సంబంధించిన పూర్తి వివరాలు తెలియవలసి ఉంది.